ജനശ്രദ്ധ ഏറെ പിടിച്ചുപറ്റിയ ടെലിവിഷന്‍ ഷോ ആണ് ബിഗ് ബോസ്. വിവിധ ഭാഷകളിലായി അവതരിപ്പിക്കുന്ന ഷോയുടെ മലയാളം പരിപാടിക്ക് നേതൃത്വം നല്‍കുന്നത് നടന്‍ മോഹന്‍ലാല്‍ ആണ്. ഇപ്പോഴിതാ ഒരു ഇടവേളയ്ക്ക് ശേഷം വീണ്ടും ബിഗ് ബോസ് സീസണ്‍ 3 പ്രേഷകരിലേക്കെത്തുന്നുവെന്ന വാര്‍ത്തയാണ് പുറത്തു വരുന്നത്. മോഹന്‍ലാല്‍ തന്നെയാണ് ബിഗ് ബോസ് സീസണ്‍ 3 യുടെ പ്രഖ്യാപനം നടത്തിയിരിക്കുന്നത്.
ഏഷ്യാനെറ്റ് പുറത്ത് വിട്ട ഏറ്റവും പുതിയ വീഡിയോയിലാണ് ബിഗ് ബോസിനെ കുറിച്ചുള്ള ആകാംഷകള്‍ക്ക് വിരാമമായെന്ന് മോഹന്‍ലാല്‍ പറയുന്നത്. അധികം വൈകാതെ ഷോ ആരംഭിക്കുമെന്നും ഇത്തവണയും അവതാരകനാവാന്‍ ഞാനും ഉണ്ടാവുമെന്നും താരരാജാവ് പറയുന്നു.
‘നിങ്ങളുടെ ഏറെ നാളത്തെ കാത്തിരിപ്പിന് ഇനി വിരാമം. ലോകമൊട്ടാകെ വളരെയേറെ പ്രതിസന്ധിയിലൂടെ കടന്ന് പോകുന്ന ഈ അവസരത്തിലും നവവത്സര പിറവിയുടെ പുതു പ്രകാശത്തിലും ശുഭപ്രതീക്ഷയിലുമാണ് നമ്മളെല്ലാവരും. ഈ അവസരത്തില്‍ നിങ്ങളെല്ലാവരും കാത്ത് കാത്തിരുന്ന ആ മനോഹരദൃശ്യാനുഭവം ഇതാ നിങ്ങളിലേക്ക് വീണ്ടും. മലയാളികളുടെ ഏറ്റവും പ്രിയപ്പെട്ട ചാനലായ ഏഷ്യാനെറ്റിലൂടെ, ലോകത്തിലെ ഏറ്റവും വലിയ റിയാലിറ്റി ഗെയിം ഷോ ആയ ബിഗ് ബോസിന്റെ മലയാളം പതിപ്പ്, ബിഗ് ബോസ് മലയാളം സീസണ്‍ 3 ഉടനെത്തുന്നു. നമ്മുടെ സ്വന്തം ഏഷ്യാനെറ്റില്‍. ഞാനും ഉണ്ടാവും’.
