നീണ്ട നാളത്തെ ഇടവേളയ്ക്ക് ശേഷം തിയറ്റര്‍ തുറക്കുമ്പോൾ ആദ്യ പ്രദര്‍ശനത്തിനെത്തുന്ന ചിത്രത്തില്‍ മലയാളിയായ മാളവികയാണ് നായികയായെത്തുന്നത്.
പയ്യന്നൂര്‍ മഹാദേവ ഗ്രാമം സ്വദേശിയും പ്രശസ്ത ചലച്ചിത്ര ഛായാഗ്രാഹകനുമായ കെ.യു.മോഹനന്റെയും പയ്യന്നൂര്‍ അന്നൂര്‍ സ്വദേശിനി ബീന മോഹനന്റെയും മകളാണു മാളവിക. മോഹനനും കുടുംബവും സിനിമയുമായി ബന്ധപ്പെട്ടു വർഷങ്ങൾക്കു മുൻപേ മുംബൈയിലേക്കു മാറിയിരുന്നു.
പഠനകാലത്തു തന്നെ മോഡലിങ്ങിൽ തുടങ്ങി,മമ്മൂട്ടിക്കൊപ്പം അഭിനയിച്ച ഒരു പരസ്യചിത്രത്തിൽനിന്നാണു സിനിമാ രംഗത്തേക്കുള്ള മാളവികയുടെ കടന്നു വരവ് .
2013ൽ ദുൽഖർ സൽമാനൊപ്പം പട്ടം പോലെ എന്ന ചിത്രം ശ്രദ്ധേയമായിരുന്നു.പിന്നീട് മലയാളത്തിൽ നിർണായകം, ഗ്രേറ്റ് ഫാദർ എന്നീ ചിത്രങ്ങളിലും അഭിനയിച്ചു.
മജീദ് മജീദിയുടെ ബിയോണ്ട് ദ ക്ലൗഡ്സ് എന്ന ചിത്രത്തിലെ വേഷം വഴിത്തിരിവായി. പിന്നീട് തെലുങ്കിലും തമിഴിലും കന്നഡത്തിലും അഭിനയിച്ചു. ഒടുവിൽ വിജയിന്റെ ബിഗ് ബജറ്റ് ചിത്രമായ മാസ്റ്ററിൽ നായികയായെത്തി.
